ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີເປີດງານ ສັບປະດາດິຈິຕອນລາວ 2025 (Digital Week 2025) ໃນຕອນເຊົ້າ ຂອງວັນທີ 02 ເມສາ 2025, ທີ່ຫ້ອງປະຊຸມໃຫຍ່ ຂອງ ຫໍປະຊຸມແຫ່ງຊາດ (ຫຼັກ6), ເຊິ່ງເປັນປີທີ 3 ທີ່ທາງ ກະຊວງເຕັກໂນໂລຊີ ແລະ ການສື່ສານ ໄດ້ຈັດງານມະຫາກໍາທາງດ້ານເຕັກໂນໂລຊີດິຈິຕອນຂຶ້ນ. ໃຫ້ກຽດເຂົ້າຮ່ວມໃນພິທີໂດຍ ພະນະທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມີ ທ່ານ ປະເສີດ ຈັນທະຣະຣວງທອງ ຮອງນາຍົກລັດຖະມົນຕີ, ລັດຖະມົນຕີ ກະຊວງດິຈິຕອນເພື່ອເສດຖະກິດ ແລະ ສັງຄົມ ແຫ່ງຣາຊະອານາຈັກໄທ, ທ່ານ ບັນດິດ ສຈ. ບໍ່ວຽງຄໍາ […]